Ulirat

Sa pagbalik ng kanyang ulirat

Lumiwanag ang lahat

Para sa kanyang diwa

Nanaig ang katotohanan

Sa pagnanais niyang alamin

Ang tunay na pangyayari

Ay naging Kontrabida

Ang kanyang sarili pagnanais

Maging ang mga Bida ay naliligalig

Sa lagay ng panahon

Naging mahirap ang pag-ahon

Kahit nga ba

Ang papel ng Organisasyon

Tila naging sabog

Wala ni isa'y tumugon

Sa tawag ng panlilinlang ng panahon

Kaya't huwag maging bulag

Ngayon ay magsigising na!

Wala man lang mapapala

Sa idinidikta ng madla

Sa panahong

Sinusubok

Binibigla

Kinikilatis

Ang tunay na palalo

Nagkukubli

Nagtatago

Ang pagkatao

Sa pagkakataong

Pumipili sa tama at mali

Sa dilim ng buhay

Dumating ang mga salot

At kung anu-ano pang

Problema ay lumilitaw

Na takot ay tunay na dulot

Agam-agam ang naging sagot

Kaya't huwag pabigla

Gulat ay walang-wala!

Kaya't bumangon na't magdiwang

Alamin ang pagkakataon

At piliin ang hinihinging

Sasapat sa pagiging aktor

Papel para sa partisipasyon!

x------------x

Ang larawan ay mula sa Pexels.