Sandali

Siyang nag-iingat ng kanyang bibig,

nag-iingat ng kanyang buhay: ngunit siyang

nagbubukang maluwang ng kanyang

mga labi ay magkakaroon ng kapahamakan.

Kawikaan 13:3

-o0o-

Marahil sa gitna ng kawalan

Makikita ang mga tula 

At saysay nitong buhay

Bagaman may panaghoy

Na nauukol sa pagkabigo, 

At sa tanaw ng mga tao

Ganoon din naman

Mga mito at alamat

Tinig ng isang arte

Malumanay sa kanya

Kaaya-aya ang mga postura

Sa tubig ng diwa

Sa isip ng pagsulat

Sa pamantasan ang ulirat

Isang silid na may hawla

Mga banta ng pagkabata

Pilit siya'ng umiiwas

Sa mga salita at tikas

Mga verbo sa bersikulo

Nanunuya ng lipunan

Pilit ang mga pagtakas 

Kanyang responsibilidad

Sining at istorya

Gamit ay sandata

Mga lapis at papel

Pati na ang mga diwang

Sagad sa pang-unawa

Subalit may tanda

Ang tinta ng diwa

Mga Aswang at kaluluwa

Tunay na biktima

Walang anuman

Itinakda ng panahon

Sa lahat ng lagusan

Sila ay umahon

Bagaman may alinlangan

Sa tawag ng panahon

Kontrabida noon

Ngayon ay isang preso

Kumilos at lumaban!

Organisadong pagkuda, isigaw

Patalsikin ang alamat

Laban sa mga kaunting uri

Na naghahari sa lansangan

Huwag pumikit, bagkos ay ikiling

Masdan ang tanikala

Wasakin ang alimura

Lumaban! Diwa'y isigaw!

Organisasyon ay ibagsak!

Sila ay lumayas!

Nasaan sila sa pighati?

Bakit ngayon sila ay galit?

Anong pagnanakaw

itong sila naman ang lumabis?

Kung salita'y matalim na guhit

Pagdurugo ng mga kawatan

Ay tiyak magkakamit

Naghahasik ba sila ng pagkatakot

Sa panununog ng matayog?

Silang mga Aswang

Sa silid nga'y takot

Isang bintana o pinto

Patungo sa isang lugar

Mahiwaga at banal

Organisadong pangongotong

Tunay nga, tunay nga!

Ang Tula ng Tulisan

Inspirado ni Gat Jose Rizal

x---------x

Ang tula ay inihatid ng CityMall.