Verbo

Salita: 

Saan nanggagaling
ang mga panaghoy, ang iyak

ng mga kaluluwang namumulot

ng halaga at kwenta?

Paano sinusuri ninuman

ang tindig at pwersa ng pag-ibig?

Nasaan silang naliligaw?

Bakit sila naging bida sa paanan

ng mga taong lumilingap sa

matinding paksa ng kawalan?

O kaya silang kontrabida sa mga bagay

na pinagmumulan ng katiwalian

ng mga isip na salat?

O, giliw nasaan ka na?

Bakit lumisan sa iyong pangakong

pinanghawakan ng mga umaasa?

Sa iyong taglay na pag-asang

pumupuno sa uhaw sa kalinga?

Kung ako ma'y mali

bakit iyong hinusgahan?

Nasaan na ang kaibigang

sa lahat ng bagay ay dumaramay?

Ngunit pait at dusa, aking dinanas

Sa mga sinungaling na puso

at mga pag-iisip na kawatan

Iyong ipinakita mga diwang malamlam

Mga salitang hungkag

Mga kilos na mapagpaimbabaw

Ako nga'y iyong nasilo

Isa nga akong hangal

Huwag ninyo akong insultuhin!

Hindi isang Aswang ang puputol

sa aking minimithi

Hindi ikaw ang kikitil

sa mga pangarap kong tangan

bagaman ginawa mo itong lagim!

Ikaw ang dapat bumaba

sa taas ng iyong pagkakagunita

wala kang kwenta

Ikaw ang tunay na may sala!

Kung nasaan ka man

ikaw na ang dulot ay masama

Huwag kang mag-alala

Ika'y daranas sa twina

ng mga bungang malala

At sa iyong pagbagsak

pinatay na diwa

wala nang pakiramdam

wala na nga

x--------x

Ang maikling kwento ay inihatid ng Uniqlo.