Hagulgol

Nasaan ang pangako mo, sinta?

Noong ako'y sinusuyo mo pa?

Pag-ibig na kay tamis at saya?

Lahat nga ay itinaya ko na

Mula pa noon, pagtingin na kay ganda

Ikaw na nga ang nadarama

Mga bahagi ko na kulang pa

Binuo mo ako

Ako'y iyong nilingap

Sa aking pag-iisa, ikaw ang pangarap

Bagaman huli na ang lahat

Kalayaan ko'y wala na nga

Pag-iisang dibdib

Aking pinagsisihan

Lahat ng panaginip

Ikaw ang dahilan

Subalit tila lumalayo

Salawahan mong loob

Kaya ngayon

Ako'y tuliro

Ngayon, ika'y lumayo!

Sinungaling mong puso

Daig pa ang kalaboso

Sa pananahan mo rito

Hindi ko na maitatago

Mga matang humahagulgol

Ikaw ang may sala!

Ang salot mo ang napala

Ako nga'y naging tanga

Sa mga bagay na pinaasa

Hindi ko na mapapayagan pa

Mga maitim mo pang balak

Kaya't ako'y iyong bitawan

At huwag mong saktan

Ni minsa'y wala kang karapatan

Isinusumpa ko

Ako'y tatahan

Sa masasamang balak

Ikaw ay pipigilan

Kahit humantong man

Sa iyong pananakal

Aking itatarak

Sa puso mo ang balaraw!

x--------x

Ang tula para sa maikling kwento ay inihatid ng Landers.