Tula

Dalisdis ng Panaghoy

 Isang munting tinig ang sumisigaw
Sa kanyang ulirat, may panganib

Ngunit saan tutungo

Ang layon ng mundo

Kung sariling puso

Ay hindi matanto

Subalit bakit may dungis

Ang itinitibok ng pag-ibig

Mga boses na may diin

Sa parusa ng mundo ay sakit

Nasaan

Kailan

Bakit

Mga nakalilitong panganib

Bagay na nabuo sa yungib

Mula sa retina o gintong rebolber

Isang tunggalian

Mga karakter na sumasayaw

Sa tugtog ay idinuyan

Mali, hindi siya

Hindi sila

Mga multo o halimaw

Hindi masilayan

Sa isang silid

Nagkaroon ng gilid

Lumitaw

Mga masahol na halimaw

Nagtitimpi, ngunit saan

Walang laban na patas

Sa isang hudyat, girian

Nakababaliw na sandatagan

Sa panaginip o panganib

Lahat ay nasawi

Tutulan

Labanan

Rebolusyon ng nararamdaman

Pigilan

Kalayaan

Ang dapat unahan

Hanggang dulo'y paghihintay

Lahat ay handang sumuway

Sa tanikala ng tula

Lahat ay mawawala

Bida

Kontabida

Mga karakter na walang konsensiya

Ibibida

Tututulan

Lahat sila ay kawatan

Ang Organisasyon ay huwad

Lahat ay bumabaligtad

Sa mga bagay 

Na walang saysay

Hanggang ang kahulugan

Ay sadyang maabutan

x-------x

Ang larawan ay mula sa Pixabay.